2026 жылғы 20–26 шілде аралығында Эстонияның Таллин қаласында нысана көздеуден (қозғалмалы нысана) ISSF Әлем чемпионаты өтуде. Әлемдік додаға 17 мемлекеттен 85 спортшы қатысуда.

Аталған жарыста Алматы қаласының Жоғары спорт шеберлігі мектебінің спортшысы Даниил Яковенко 10 метр, қозғалмалы нысана (10M Moving Target Men Junior) жаттығуы бойынша күміс медаль жеңіп алды.

Спортшыны осы айтулы жетістігімен шын жүректен құттықтаймыз! Сондай-ақ спортшыны жеңіске жетелеген жеке жаттықтырушылары Расим Хусаинович Мологлы мен Бахтияр Даулетбаевич Ибраевқа алғысымызды білдіріп, еңбектеріне толағай табыс тілейміз.

Алматы қаласының Жоғары спорт шеберлігі мектебі Даниил Яковенкоға алдағы халықаралық жарыстарда жаңа жеңістер, биік белестер мен толайым табыс тілейді.